Avokati Redon Meksi, për thirrjen e kryedemokratit Sali Berisha për protestë para parlamentit në seancën e së enjtes, kundër buxhetit të vitit 2025, thotë se për sa kohë që nuk ka njerëz nuk do të ketë efekt.
Nga studio e MCN Live, ai kërkoi që Partia Demokratike të prezantojë së pari programin e saj për buxhetin dhe se çfarë mund të bëjë më ndryshe.
Thirrja e Berishës për protestë, po të ketë njerëz është shumë mirë, por s’ka njerëz.
Por së pari të na tregoj PD programin e saj për buxhetin, se çfarë do bëjë më ndryshe.
Të na e tregojë hap pas hapi se ku do i çojë këto para. Dakord qeveria vodhi, ku i vodhi dhe si do bëni ndryshe.
Nëse bën ofertë mund të shkoja, por sa i takon efekteve, nuk ka numra dhe duke mos pasur numra nuk ka pikën e efektit.
Në fund fare po nuk dhanë ofertën nuk do kenë njerëz me vete.
Nuk kanë ofertë se kanë njerëz të paaftë. E vetmja gjë që na japin është sa i keq është Edi Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
