Avokatja Adriana Kalaja denoncoi helmimin masiv të qenve endacak në kryeqytet, teksa prezantoi programin e saj për drejtimin e Bashkisë Tiranë, nëse zgjidhet kandidate në primaret e Partisë Demokratike.
Nga studio e MCN Live, ajo akuzoi kryebashkiakun e Tiranës, Erion Veliaj, për helmim masiv të qenve te zona e Liqenit Artificial, pas ankesës së Shefqet Kastratit.
Për helmimin e qenve te Liqeni Artificial, Shefqet Kastrati është i pari që po i ankohet Veliajt, se unë nuk e kam problem të flas me emra. Ditën e hënë janë helmuar mbi 30 qenë endacakë që duhet të jenë në strehë.
Po përgatis kallëzimin penal të radhës ndaj Veliajt. Ankesa e Kastratit bëhet se po e bezdisin se po ndërton kulla dhe do ndërtojë dhe të tjera.
Nuk ka vrarë vetëm ato qenie të pafajshme, por ka rrezikuar dhe jetën e fëmijëve. Bazuar në prova.
Asnjëri nga ne nuk ka të drejtë të vendosë se cila qenie ka të drejtë të jetojë dhe cila jo.
Me krijimin e kushteve jo vetëm respekton këtë qenie, por i lehtëson mënyrën e jetesës qytetarëve të Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
