Ish-kreu i PD-së Lulzim Basha ka zhvilluar një takim me një grup demokratësh në Shkodër. Mësohet se të pranishëm në takim kanë qenë kreu i PD Shkodër Xhevdet Amuli dhe ish-kandidati për kryetar bashkie në zgjedhjet e 6 marsit Xhemal Bushati.
Në fjalën hyrëse Basha u shpreh se vendimi i gjykatës së Tiranës për regjistrimin e statutit të 11 dhjetorit të grupit të Rithemelimit, të udhëhequr nga ish-kryeministri Berisha është i pazbatueshëm dhe një vendim që është apeluar. Basha tha se ajo që po ndodh është një pushtim i paligjshëm i selisë së PD.
Ish-kryemokrati tha:
Ju falenderoj për kontributin. Ju kërkojmë ndjesë! Koha dhe e drejta janë në anën tonë. Ka faktorë që janë jashtë nesh. Vendimi i gjykatës i turpshëm. Kemi apeluar atë vendim që është i pazbatueshëm dhe institucionet e PD janë po ato. Gjithçka që po ndodh është një pushtim i paligjshëm i PD. T’i shërbejmë uljes së gjakrave, përgjegjësi që kam marrë me vetëdije të plotë dhe do t’i shërbej bashkimit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
