Qeveria e Kosovës ka konfirmuar se emisarët perëndimorë kanë ofruar një plan për ecjen përpara në dialogun Kosovë-Serbi, gjatë takimit të tyre të sotëm me kryeministrin e Kosovës, Albin Kurti.
Në një komunikatë për media thuhet se kryeministri Kurti i ka falënderuar diplomatët për planin që kanë ofruar si dhe ka shprehur vlerësimet e tij.
Në takim u bisedua për normalizimin e marrëdhënieve mes Republikës së Kosovës dhe Serbisë, përkatësisht zbatimin e Marrëveshjes Bazike (Bruksel, 27 shkurt) dhe Aneksit të Implementimit të tij (Ohër, 18 mars).
Në takim, bënë të ditur komunikata, është biseduar edhe për normalizimin e marrëdhënieve në mes të Kosovës dhe Serbisë, përkatësisht zbatimin e Marrëveshjes së Brukselit/Ohrit.
Kryeministri theksoi që është i nevojshëm reflektimi cilësor dhe një qasje e re.
Të pesë emisarët ofruan planin e tyre të ri për ecjen përpara, për çfarë Kryeministri shprehu falënderimet dhe vlerësimet e tij. Diskutimet duhet të vazhdojnë intensivisht.
Kryeministri Kurti ka theksuar që prioritet kryesor për Republikën e Kosovës është siguria e shtetit dhe e qytetarëve, e kufijve dhe e territorit.
Pas sulmit terrorist dhe kriminal të 24 shtatorit të kryer nga grupe paramilitare me sponsorim dhe pjesëmarrje të Serbisë, ndëshkimi është vendimtar për mospërsëritje.
Më tej, thuhet se në takim është biseduar për normalizimin e marrëdhënieve në mes të Republikës së Kosovës dhe Serbisë, përkatësisht, zbatimin e Marrëveshjes Bazike dhe të Aneksit të Implementimit të tij.
Pas vizitës në Prishtinë, diplomatët do të udhëtojnë drejt Beogradit, ku do të takohen me presidentin serb Aleksandar Vuçiç rreth orës 14:00.
Para takimeve, burimet diplomatike në Bruksel thanë për Radion Evropa e Lirë se me këtë vizitë synohet të dërgohet mesazh se ekziston unitet mes Shteteve të Bashkuara dhe BE-së, që të punohet në zbatim të Marrëveshjes për normalizim të marrëdhënieve mes dy vendeve, të arritur në shkurt të këtij viti në Bruksel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
