Zgjimi i vonshëm kombëtar në Kosovë?/ Spahiu: E pavërtetë. Nexhip Draga ishte organizator i Kongresit të Manastirit

<p>A ka ndodhur zgjimi kombëtar në Kosovë më vonë sesa në trevat e tjera shqiptare?&nbsp;Profesori i Shkencave Politike, Nexhmedin Spahiu, i ftuar në emisionin “Arnautistan” të Mustafa Nanos, e kundërshton këtë tezë dhe sjell argumente historike për të vërtetuar të kundërtën. Ai solli në vëmendje figurën e Nexhip bej Dragës nga Mitrovica, një prej veprimtarëve kryesorë të çështjes shqiptare në fund të Perandorisë Osmane, dhe theksoi se ai ishte organizatori i Kongresit të Alfabetit të Manastirit, edhe pse kjo nuk njihet sa duhet sot.</p> <p>Ai shtoi se megjithëse Kongresi i Manastirit është financuar pjesërisht nga Perandoria Osmane dhe se abetarja e parë iu dërgua si dhuratë sulltanit, organizimi real dhe mbledhja e delegatëve ishte vepër e Nexhip Dragës.&nbsp;</p> <blockquote> <p>Kryengritja e Hasan Prishtinës me 30 mijë në ndërkohë që në jug të Shqipërisë kishim çetën e Bekresh Cakranit, Mihal Gramenos, Cerciz Topullit. Kjo nuk tregon zgjim të votuar kombëtar në Kosovë.&nbsp;<br /> Organizator i Kongresit të Manastirit ishte Nexhip Draga. KOngresine ka financuar sulltani me partqë e veta, Avdyl Hamiti, financim i Perandorisë Osmane, abetarja e parë i ishte dërguar Sulltanit si dhuratë. Vetë kryeministri asokohe i Perandorisë Osmane ishte shqiptar, Ferit Pashë Vlora pra, ishte edhe kontribut i tij. Por, organizatori, ai që mblodhi njerëzit, ishte Nexhip Draga.&nbsp;</p> <p>Nëse lexojmë kujtimet e pjesëmarrësve dhe personalitete të asaj kohe, del se figura më e pakontestuar, del të jetë Nexhipi. Vetëm Hasan Prishtina në kujtime te tij shprehet me xhelozi, por pa asnjë argument, thjesht që e xhelozonte, në ndërkohë të tjerë si Mustafa Kruja, si politikani më i pjekur i kohës, të tjerët Hajredin Bej Cakrani, me respektin më të thellë flasin për të.&nbsp;</p> <p>Nexhip Draga, bëri gjënë më sakrifikuese, ndërkohë që të gjithë këta politikanët kosovar, kur Kosova mbeti nën Serbi, erdhën &nbsp;në Shqipëri dhe mbeten në Vlorë, Durrës e Tiranë, ai tha na ka mbetur populli atje, humbëm luftën, ulëm kokën, duhet dikush ti prijë ata atje. Dhe ai u kthye në Kosovë, ishte patriotizëm</p> </blockquote>