Bllokohet mbledhja e Komisionit të Reformës Zgjedhore/ Gjiknuri: Akte vandale nga opozita

<p>Mbledhja e Komisionit për Reformën Zgjedhore është ndërprerë, për shkak të tensioneve dhe kaosit të krijuar nga deputetët e opozitës.</p> <p>Gazment Bardhi dhe deputetët e tjerë mbështetës bllokuan mbarëvajtjen e Komisionit për Zgjedhoren duke bllokuar karriget e anëtarëve që do të merrnin pjesë.</p> <p>Për pasojë deputetët socialistë u larguan nga mbledhja.</p> <p>Bashkëkryetari i komisionit të Reformës Zgjedhore, Damian Gjiknuri&nbsp;tha se në një mënyrë ose tjetër Reforma Zgjedhore do të ecë përpara.</p> <blockquote> <p>Fatkeqësisht këtu edhe Bylykbashin nuk e kishin sjellë edhe Alibeajn nuk e kishin lejuar të vijë ndoshta për shkak të akteve të tyre vandale.</p> <p>Opozita duhet të jetë e para e interesuar për të pasur një Reformë të tillë.</p> <p>Reforma do ecë përpara, edhe nëse opozita nuk do të bëhet pjesë do të gjendet mënyra për ta çuar përpara.</p> </blockquote>