Kreu i PD-së Sali Berisha foli në konferencën e mbajtur sot për mediat lidhur me protestën që do të zhvillojë opozita më 7 korrik. Berisha tha se protesta nuk duhet të ndalet deri në realizimin e qëllimit.
Protesta duhet të jetë e atillë që s’duhet të ndalet deri në realizimin e qëllimit. Por cila do jetë kjo protestë që s’do ndalet do ta përcaktojë vetë protesta. U kam thënë mos harroni vetëm një parim, ky është një front, Fronti për Shpëtimin e Shqipërisë. Në lëvizje suksesi përcaktohet kur ti pranon që njëherë udhëheq ti, njëherë të udhëheqin ty. Unë jam i gatshëm edhe të udhëheq edhe të më udhëheqin”.
I pyetur nëse do të tentohet futja në Kryeministri, Berisha tha:
Qëllimi i protestës është të ngrejë shqiptarët në këmbë kundër një regjimi që ka futur duart e zeza në xhepat e tyre”.
Berisha u bëri thirrje deputetëve që janë pjesë e grupit Alibeaj që t’i bashkohen.
Deputetët të shkëputen nga Ali-Basha, i cili nuk është gjë tjetër veçse varianti bis i Bashës. I vetmi ndryshim është se Bashës i bënte ndonjë telefonatë Rama”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
