Kryeministri Rama po jep sot dëshminë e tij përpara Komisionit Hetimor për Impiantet e Trajtimit të Mbetjeve Urbane. Në komision, Rama shoqërohet nga 6 këshilltarë, të cilët qëndrojnë në rreshtin e parë me dosje të përgatitura. Kreu i qeverisë tha se nuk ka asnjë përgjegjësi në lidhje me procedurat e miratimit dhe financimit të inceneratorëve. Rama përsëriti se përgjegjësia është individuale.
Por duhet të më bëni pyetje që lidhen me rolin tim si kryeministër. Mbledhja e qeverisë ku merret vendimi është kurorëzimi i një procesi legjislativ, që fillon nga sektori bazë, i cili është nevojë për aktin në fjalë, në kombinim me sektorë të tjerë që ndërthuren me njëri-tjetrin, kalon nëpër gjithë ata filtra dhe vjen te unë. Mua më rezulton që këtu është zbardhur në mënyrë shembullore. Përgjegjësia individuale përpara ligjit, për të cilat organi i hetimit identifikon shkelje është në tagrin e secilit. Nuk jam unë njeriu që keni akuzuar ju si kreun e një organizate kriminale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
