Ministria e Turizmit dhe Mjedisit reagoi me anë të një deklarate lidhur me lajmin e publikuar në disa media greke, sipas të cilave, kryetari i Bashkisë së Korfuzit Verior, George Machimaris, ka propozuar një plan për transferimin e ujit nga ‘Syri i Kaltër’ drejt ishullit grek.
Nisur nga ky lajm, Ministria sqaron se:
Nuk ka asnjë marrëveshje të tillë dhe as nuk ka pasur diskutime për një projekt të ngjashëm sipas lajmit të përhapur nga mediat. Pretendimet e ngritura janë të pavërteta.
Syri i Kaltër është një pasuri natyrore e Shqipërisë, i cili me vendimet e muajit janar 2022 ka marrë një status më të lartë mbrojtjeje, atë të “Parkut Natyror” me një sipërfaqe të rritur në 293 hektarë, për të mbrojtur më mirë Monumentin e Natyrës me të njëjtin emër, që mban brenda parkut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
