Sot, shënohet përvjetori i 100-të i marrëdhënieve miqësore mes Shqipërisë dhe Japonisë.
Ambasada e Japonisë në Tiranë, njoftoi se 100 vjet më parë si sot, më 18 prill 1922, Uchida Kosai, në atë kohë Ministër i Jashtëm i Japonisë, shkëmbeu letra me Fan Noli, në atë kohë Ministër i Punëve të Jashtme të Shqipërisë.
Në njërën nga këto letra është përmendur se Qeveria Japoneze e njohu zyrtarisht de jure dhe de facto Qeverinë e Shqipërisë.
Që prej fillimit, marrëdhëniet tona miqësore janë zhvilluar dhe kanë ardhur duke u rritur.
Marrëdhëniet diplomatike nisën zyrtarisht në vitin 1981, më tej Ambasada e Republikës së Shqipërisë në Tokio u hap në vitin 2005, dhe Ambasada e Japonisë në Tiranë u hap në 2017.
Për të përkujtuar 100 vjetorin e marrëdhënieve miqësore mes dy vendeve, u krijua një logo përkujtimore me bashkëpunimin e Konsullit të Nderit Avni Ponari dhe një piktori shqiptar.
Japonia dhe Shqipëria të vazhdojnë të shtrëngojnë duart së bashku dhe të kenë marrëdhënie miqësore”, thuhet në njoftimin e ambasadës së Japonisë në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
