Ambasada Amerikane i ka kthyer përgjigje Prokurorisë së Përgjithshme për kadidatin e PSD, Tom Doshi. Institucioni i akuzës është mjaft i rezervuar lidhur me përgjigjen që Departamenti i Shtetit i ka dërguar prokurorisë.
Mësohet se tashmë sektori i dekriminalizimit do i kërkojë informacion edhe Interpolit nëse Doshi rezulton apo jo i dënuar në vende të tjera.
Sektori i Dekriminalizimit ne Prokurorinë e Përgjithshme, pas kërkesës së KQZ-së, nisi verifikimin kandidatin e Partisë Social Demokrate Tom Doshi. Prokuroria e Përgjithshme i kërkoi informacion Departamentit Amerikan të Shtetit, ku i kërkoi nformacion në lidhje me arsyet se pse ai është shpallur non grata nga DASH.
Pas përgjigjes edhe të Interpolit sektori i Dekriminalizimit do t’i dërgojë materialet në KQZ, e cila do vendosë nëse do e lejojë apo jo kandidimin e tij. Doshi është shpallur “Non Grata” nga Shtetet e Bashkuara të Amerikës që në prillin e vitit 2018, së bashku me familjen e tij, ndërkohë që ambasadorja Yuri Kim ka bërë vazhdimisht thirrje që ai të mos lejohet të kandidojë në zgjedhjet e 25 prillit.
Organi i akuzës bën po ashtu me dije se ka mbyllur hetimet edhe për një tjetër kandidat Zef Hilën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
