Kryeministri Edi Rama ka qenë dje në Emiratet e Bashkuara Arabe ku është takuar me kryeministrin Sheik Mohammed bin Rashid Al Maktoum për të folur për investime në Shqipëri.
Sot Rama ka publikuar foto nga takimi, ku shoqërohej nga kreu i grupit parlamentar të PS-së Taulant Balla, Ministri për Punët e Jashtme dhe Evropën Ditmir Bushati si dhe kryetari i Bashkisë së Tiranës Erion Veliaj. Një nga projektet për të cilat është biseduar ka qenë edhe vendosja e një linje ajrore direkte nga Shqipëria në Dubai.
“Dje në Dubai me Kryeministrin Sheik Mohammed bin Rashid Al Maktoum, për ngritjen e një ure bashkëpunimi në funksion të investimeve në porte dhe turizëm, si edhe për vendosjen e një linje ajrore direkte. Takim mbresëlënës dhe shpresëdhënës. Shqipëria gjithnjë e më tërheqëse për të huajt dhe turizmi në Shqipëri një potencial i jashtëzakonshëm”, shkruan Rama në “Facebook”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
