Vizita e Erdogan/  Çupi: Turqia tenton të ushtrojë influencë në Shqipëri, por stabiliteti në rajon ruhet me aleatë (VIDEO)

Analisti Frrok Çupi duke folur në MCN Live mbi vizitën e Erdogan-it në Shqipëri tha që Turqia përpiqet të ushtrojë influenca në Shqipëri, por theksoi se stabiliteti në rajon ruhet përmes aleatëve.

Ai vuri në dukje se Turqia është një aleat i SHBA-ve dhe Erdogan vjen në Tiranë si "mesazher i Perëndimit". 

“Nëse nuk ka shoqëria oponenca në këto raste është keq. A ka influenca Turqia me ardhjen e Erdoganit? Padyshim që tenton të ushtrojë influenca. Mes atyre influenca merren në konsideratë përfitimet e shtetit dhe kjo është politika botërore. Është zbuluar prej studiuesve që ka një tentativë për të krijuar Otomaninë e vjetër. Ama ta bësh zero influencën e tjetrit, do të thotë të bësh zero edhe fuqinë tënde për ta përballuar fuqinë e tjetrit. Turqia është faktor i pandashëm nga historia dhe realiteti ynë, sepse një pjesë e madhe e kulturës sonë ka përafërsi të madhe me kulturën turke, gjuha ka turqizma, ka shumë njerëz, grupime që kanë lidhje organike me Turqinë. Ndikimi politik mbetet nga fundi i radhës. Në radhë të parë është një bashkëpunim mes dy shteteve, një show politik në raport me çfarë ndodh në rajonin tonë. Stabiliteti në rajon ruhet me miq, aleanca, moskonflikte, shuarjen e konflikteve historike, dhe duke ruajtur raportet tona me aleatët e Amerikës. Turqia është një aleat i SHBA-ve. Nëse vjen presidenti turk në Shqipëri do të thotë që ka ardhur një mesazher i Perëndimit”.

I pyetur a duhej anuluar seanca e Kuvendit, Çupi tha:

“Është plotësisht në kompetencën e kryetares së Parlamentit. Janë tre ngjarje të rëndësishme që mund të jenë bërë shkak për ta anuluar. Një arsye ardhja e Erdogan, lidhet me rrëmujat që krijon opozita, molotovin. Gjëja më e mirë që bën Kryesia e Parlamentit, e shmang këtë rrezik. Opozita po projektohet si repart i rrezikshëm paramilitar dhe militar. Ka një refleksion edhe për datën 15 kur hapen negociatat”.