Çështja “Gici”/ Sejamini: Kemi arritur në një pikë që politikanët duhet t'i vlerësojmë nga morali dhe integriteti, të mendojmë mirë kujt i japim votën!

Teksa detaje të reja kanë dalë nga skandali Safet Gjici, ku një bisedë e transkriptuar mes Alma.K dhe një personi tjetër, hedh dyshime se ndaj Gjicit ka patur një skemë shantazhi, analisti Neritan Sejmani, tha në emisionin “Të Paekspozuarit” nw MCN tv, se shantazhi ndaj ish-zyrtarit nuk është bërë vetëm për përfitime materiale, por edhe për qëllime politike. Sipas tij, ka ardhur koha që politikanët duhet t’i vlerësojmë nga morali dhe integriteti, të mendojmë mirë kujt ia japim votën. "Interesi publik nuk ka interes se kush e ka shantazhuar atë, por fakti se si kemi përfunduar me një kryetar të tillë. A mund të ishte një njeri i ndershëm që mund të shatashohej në vend të Safetit, jo. Prandaj, kemi ardhur në një pikë që politikanët duhet ti vlerësojmë nga morali dhe integriteti, të mendojmë mirë kujt ia japim votën. Modeli i një shoqërie ku të gjitha marrëdhëniet në jetë janë marrëdhënie shantazhi, vetëm grabitje pronash publike, shantazhesh, dhe një shoqërie që nuk prodhon asgjë, nëse vazhdojmë kështu, do të vdesim si shoqëri".