Komisioneri Shtetëror i Zgjedhjeve, Ilirjan Celibashi, ka shpallur zyrtarisht sot në mbledhjen e saj moszgjedhshmërinë e kandidates socialiste në zgjedhjet e vitit 2021, Dallëndyshe Bici, e cila refuzoi të merrte mandatin e lënë pezull nga ish-kryeministri i vendit, Arben Ahmetaj.
Kësisoj Komisioni Qendror i Zgjedhjeve do të njoftojë sot për plotësimin e vendit vakant në Kuvend, kandidatin e radhës në listën shumëemërore të Partisë Socialiste në Tiranë, Plarent Ndreca.
Bici informoi dje KQZ-në se nuk do të vijojë procedurat ligjore përkatëse për marrjen e mandatit të deputetit në Kuvendin e Shqipërisë, për shkak të angazhimit në detyrën funksionale që ushtron aktualisht në institucion qendror.
Ndërkohë Komisionari Shtetëror i Zgjedhjeve, Ilirjan Celibashi bëri të ditur se do njoftohet për vakancën kandidati i radhës në listën shumëemërore të Partisë Socialiste, i cili është Plarent Ndreca.
Mandati i Arben Ahmetaj ka përfunduar para afatit, për shkak se në 6 muajt e fundit, Ahmetaj nuk ka qenë prezent në Kuvend.
Ndaj tij janë ngritur akuza penale nga SPAK për korrupsion pasiv, pastrim parash dhe deklarim i rremë dhe fshehje pasurie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
