Kryetari i Partisë Demokratike Lulzim Basha me anë të një video thotë se Rama dhe ministrat e qeverisë e kanë mendjen te vera dhe rakia, ndërkohë që duhet të ishin duke menduar për qytetarët që po kalojnë ditë të vështira si pasojë e përmbytjeve.
Basha fokusohet te video që qarkulloi në rrjet me ministrat dhe anëtarët e qeverisë të cilët konsumonin një darkë në Dubai në një nga restorantet më të shtrenjta, ndërkohë që shkruan:
“Ndërkohë që vendi është nën ujë, mijëra familje po kalojnë dimrin e dytë në çadra, shqiptarët janë pa asnjë ndihmë përballë krizës ekonomike dhe shëndetësore, ministrat e Ramës shtrohen për shtatë palë qejfe në restorantin më të shtrenjtë në Dubai.
Është koha të kemi një qeveri që kujdeset për njerëzit, dhe jo këtë që e ka mendjen vetëm për veten e saj,”-shkruan Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
