Në të parën vizitë të një ministri të Mbrojtjes në Tel Aviv, Olta Xhaçka, e ka cilësuar Izraelin një aleat të vyer të NATO-s në luftën kundër terrorizmit.
Ministrja e Mbrojtjes shprehu gatishmërinë për një memorandum bashkëpunimi në fushën e sigurisë dhe mbrojtjes mes dy vendeve.
Ministrja Xhaçka e cilësoi Izraelin si një aleat të vyer të NATO-s në luftën kundër terrorizmit dhe shprehu gatishmërinë e vendit tonë për një memorandum bashkëpunimi në fushën e sigurisë dhe mbrojtjes mes dy vendeve.
Nga ana e tij, ministri Avigdor Liberman vlerësoi rolin e Shqipërisë për garantimin e sigurisë dhe paqes në Ballkanin Perëndimor dhe u shpreh se dy vendet ndajnë të njëjtat vlera si aleatë strategjikë për sigurinë në rajon.
Siguria kibernetike, industria ushtarake, ishin po ashtu disa nga çështjet që u diskutuan mes ministrave të Mbrojtjes, të cilët folën dhe për një projekt të afërt për shkëmbimin e modeleve dhe kurrikulave në fushën e edukimit dhe trajnimit ushtarak.
Në Jerusalem, ministrja Xhaçka zhvilloi takime në Këshillin Kombëtar të Sigurisë si dhe bëri homazhe e vendosi kurorë me lule në Yad Vashem, Memoriali në nderim të viktimave të Holokaustit.
Vizita e ministres Xhaçka në Tel Aviv, vjen pas votës kundët të rezolutës së SHBA që e njeh Jeruzalemin si kryeqytet të Izraelit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
