Pas një vendimi të marrë pak ditë më panë nga mbledhja e Kryesisë së Lëvizjes Socialiste për Integrim, nesër, në orën 16:30, do të mblidhet Konventa Kombëtare e LSI-së për të zgjedhur Kryetarin e ri të partisë.
“Pas vendimit të marrë nga Kryesia e Lëvizjes Socialiste për Integrim, nesër, datë 3 maj 2017, ora 16:30, do të mblidhet Konventa Kombëtare e LSI-së për të zgjedhur Kryetarin e ri të partisë.
Konventën do ta hapë Ministrja për Integrimin Evropian, Klajda Gjosha, njëkohësisht kryesuesja e listës së kandidatëve për deputetë të Lëvizjes Socialiste për Integrim në Qarkun e Tiranës.
Konventën e LSI-së do ta përshëndes edhe Kryetari Kuvendit z. Ilir Meta pas fjalës së hapjes nga znj. Gjosha.
Në konventë do të mbajnë fjalë përshëndetës edhe Zëvendëskryetari i LSIsë, Petrit Vasili, Kryetarja e Lëvizjes Rinore për Integrim, Floida Kërpaçi, deputetja e LSI-së, znj. Monika Kryemadhi etj.
Konventa pritet të shqyrtojë nesër dy propozimet e Komitetit Drejtues Kombëtar për zgjedhjen e Petrit Vasilit si Kryetar të Lëvizjes Socialiste për Integrim dhe znj.
Monika Kryemadhi si zëvendëskryetare të LSIsë. Aktiviteti zhvillohet tek Pallati i Sportit “Asllan Rusi” me regji qendrore.
Ftohet media të jetë e pranishme”, citohet në njoftimin e LSI-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
