Dy ditë më parë, gjatë takimit të Lulzim Bashës me eurodeputetin Knut Fleckenstein, ambasadorja e BE-së Romana Vlahutin u la jashtë zyrës së kryetarit të PD, e cila po shoqëronte eurodeputetin.
Kryedemokrati Basha shpjegoi përse Vlahutin u la jashtë zyrës së tij dhe nuk ishte e pranishme gjatë bisedës Basha-Fleckenstein.
I pyetur nga gazetari Blendi Fevziu në emisionin “Opinion”, Basha tha se takimi ishte parashikuar që i pranishëm në takim me të, të ishte vetëm Fleckenstein.
“Kështu ishte parashikuar takimi. Nuk është puna ime të merrem me ambasadorët. Ambasadorët kanë punën e tyre, unë kam punën time”, u shpreh Lulzim Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
