Qeveria e Kosovës në mbledhjen e saj sot ka marrë vendim që të gjithë shtetasit e Ukrainës të cilën dëshirojnë të hyjnë në Kosovë, nuk do të kenë nevojë që të pajisen me viza.
Kryeministri i Kosovës, Albin Kurti, deklaroi se kjo bëhet me qëllim që të solidarizohemi me popullin e Ukrainës.
Me qëllim të solidarizimit me shtetasit ukrainas që po ballafaqohen me agresionin rus propozojmë pezullimin e regjimit të vizave për shtetasit e Ukrainës.
Ndërsa, edhe ministrja e Punëve të Jashtme dhe Diasporës, Donika Gërvalla bëri thirrje që të miratohet ky propozim për shkak të situatës së rëndë në Ukrainë.
Republika e Kosovës me këtë veprim do të rreshtohej përkrahë vendeve të shumta perëndimore të cilat morën veprime të ngjashme.
Sipas saj, ky vendim do të kontribuonte pozitivisht për shtetasit e Ukrainës në hyrjen dhe kalimin e tyre në Kosovë por apo edhe në ndonjë vend tjetër transiti.
Gërvalla, bëri të ditur se kanë parashtruar kërkesë ndaj KFOR-it që të mbyllë hapësirën ajrore të Kosovës për avionët rusë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
