Kryeministri Edi Rama, në cilësinë e kreut të OSBE-së, do të jetë pjesë e Këshillit Special që do të mbahet të premten në Vjenë, ku fokusi do të jetë tek zhvillimet e fundit në Bjellorusi.
Tri ditë përpara vizitës, kryesia e OSBE shprehet e gatshme për të mbështetur Bjellorusinë dhe se oferta për të zhvilluar një vizitë në këtë vend mbetet në tryezë.
Më herët, kryeministri Rama ka propozuar që në cilësinë e drejtuesit të OSBE të vizitojë Minskun për të ndërmjetësuar krizën e paszgjedhjeve.
Prej javësh Bjellorusia është përfshirë në protesta masive. Zgjedhjet e fituara janë konsideruar të paligjshme dhe nuk janë njohur nga BE.
Ndërhyrja e OSBE në Bjellorusi për të zgjidhur krizën e krijuar u mbështet edhe nga Shtetet e Bashkuara të Amerikës dhe Bashkimi Europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
