Urimet më të mira qytetarëve dhe klasës politike në Kosovë, që nëpërmjet procesit të sotëm tërësisht paqësor dhe shumë të rregullt të votimit dhanë sërish një shembull të shkëlqyer të funksionimit të demokracisë, shtetit ligjor dhe garantimit të votës së lirë.
Me këto fjalë, kryetari i Partisë së Lirisë, Ilir Meta përshëndet zgjedhjet e mbajtura ditën e sotme në Kosovë.
Ai e cilëson Kosovën si shembull të jashtëzakonshëm për Shqipërinë dhe rrugën e vetme për të shpëtuar demokracinë dhe shtetin e së drejtës.
Për Shqipërinë, që vuan nën thundrën e narkoqeverisjes dhe përpjekjeve kriminale për asgjësimin e pluralizmit politik përmes shkatërrimit të zgjedhjeve të lira dhe të ndershme, Kosova është një shembull i jashtëzakonshëm dhe rruga e vetme që duhet ndjekur për të shpëtuar demokracinë dhe shtetin e së drejtës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
