Mbyllet procesi i numërimit të votave në qarkun e Shkodrës. Mësohet se PD është forcë fituese në Shkodër, me 5 mandate, PS merr 3 mandate, PSD 2 dhe LSI 1 mandat.
Procesi i numërimit ka qenë i qetë dhe nuk ka pasur incidente apo përplasje dhe rezultati është pranuar nga palët.
Ndërsa në Vlorë PS vazhdon që të kryesojë si parti e parë me 58845 vota ose 57.89%, me 8 mandate.
PD-AN kanë marrë 32067 vota ose 31.55%, konvertuar në 4 mandat në gjithë qarkun.
Nga ana tjetër, LSI ka marrë 6184 vota ose 6.08%, por pa arritur që të marrë një mandat.
Ndërkohë, PSD e Tom Doshit dhe gjitha partitë e tjera nuk kanë arritur që ta kalojnë as shifrën 1%, duke mos siguruar një mandat deputeti.
Krahasuar me vitin 2017, rezulton se PS qëndron në të njëjtin nivel mandatesh, PD është rritur me 1 mandate, ndërsa LSI ka rënë me 1 mandate.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
