Analisti Enton Abilekaj, duke komentuar në emisionin “Të Paekspozuarit” në MCN TV, nismën e shumicës socialiste për të amenduar Kodin e Procedurës Penalen për të mos pezulluar disa zyrtarë të lartë, u shpreh se kjo masë i bën të praprekshëm, duke u dhënë imunitet të tepërt disa personave.
Masa e sigurisë është ndihma që i jepet prokurorit që hetimi që bëhet pa ndërhyrje.
Pra nëse prokurori kërkon një masë sigurie, si pezullimi apo arresti me burg, apo arrest shtëpie, e kërkon se ka frikë se do të përsëritet vepra penale.
Kur e shikon deputetin në kohën që nis hetimi ushtron presion mbi njerëzit e vet që do të dëshmojnë, atëherë ai kërkon masë sigurie, që ky të mos e ushtrojë atë presion.
Iniciativa që është marrë sot nuk e zgjidh atë që Rama e çoi në Gjykatën Kushtetuese, sepse Rama bëri sikur çoi në GJK një çështje që ka të bëjë me balancën e pushteteve, jo me emra dhe 6 institucione.
Kjo është masa e paprekshmërisë, është masa kur qeveria del hapur dhe thotë që unë nuk prekem më, nuk jam ai demokrati, ai i ndershmi, por jam ai që jam kapur dhe nuk më bën dot asgjë sepse kam maxhorancën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
