Kryeministri i Kosovës, Avdullah Hoti priti sot në takim konsultativ ministren e Punëve të Jashtme dhe Diasporës, Meliza Haradinaj Stublla.
Takimi kishte të bënte me hapjen e misionit diplomatik në Izrael. Hoti dha pëlqimin e tij për të dërguar tek presidenti kërkesën për hapjen e misionit diplomatik në Izrael.
“Kryeministri i Republikës së Kosovës, Avdullah Hoti, sot në një takim konsultativ me Ministren për Punë të Jashtme, Meliza Haradinaj Stublla, ashtu siç e përcakton Kushtetuta e Republikës së Kosovës, dha pëlqimin e tij për të dërguar te Presidenti kërkesën për hapje të misionit diplomatik në Izrael”, thuhet në njoftimin për media nga zyra e kryeministrit.
Kryeministri citohet të ketë theksuar se Izraeli është partner strategjik i Kosovës dhe se vendosja e marrëdhënieve diplomatike në mes të dy vendeve vjen si rezultat i marrëveshjes së 4 shtatorit në Shtëpinë e Bardhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
