Presidenti i Serbisë Aleksandër Vuçiç deklaroi se mbetet vetëm një çështje kohe njohja “de jure” apo “de facto” e pavarësisë së Kosovës. Një deklaratë të tillë, Vuçiç e bëri gjatë një interviste për televizionin serb “O2”, me qendër në Beograd. Presidenti serb reagoi menjëherë pas njoftimit të kryeministrit kosovar, Albin Kurti; “se taksa 100% ndaj Serbisë do të hiqet nëse do të zëvendësohet me masë reciprociteti”.
Gjatë intervistës, ai u shpreh, se pas vendimit të qeverisë kosovare për të hequr taksën, pritet presion i jashtëzakonshëm mbi Serbinë për të pranuar anëtarësimin e Kosovës në OKB. Sipas tij, synimi i tyre, është futja e Kosovës në Organizatën e Kombeve të Bashkuara. Ai tha se kjo pritet të ndodhë, duke shtuar se pyetja është se kur do të realizohet një gjë e tillë: “Brenda tre muajsh, gjashtë muajsh apo një viti?”, deklaroi Vuçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
