Pak kohë pas debatit të fortë të funksionimit të radarëve në det, qeveria miraton një kontratë, por për radarët në ajër.
Kontrata është firmosur nga Ministria e Mbrojtjes dhe një kompani amerikane për blerjen e sistemit të integruar të vëzhgimit të hapësirës ajrore FAZA1.
Marrëveshja fillestare me kompaninë amerikane është nënshkruar në Tiranë më 15 mars të vitit 2005.
Gjithashtu qeveria ka miratuar në mbledhjen e sotme, në parim, marrëveshjen ndërmjet Këshillit të Ministrave të Republikës së Shqipërisë dhe qeverisë së Republikës së Kosovës, në kuadër të anëtarësimit në Bashkimin Evropian.
Ky vendim është marrë në mbështetje të nenit 100 të Kushtetutës dhe të nenit 10 të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit për Evropën dhe Punët e Jashtme.
Ky vendim hyn në fuqi menjëherë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
