Presidenti Ilir Meta dhe kryeministri Edi Rama janë bërë bashkë në Vlorë, ku po zhvillohen aktivitete në kuadër të 107-vjetorit të Pavarësisë. Kreu i shtetit dhe ai i qeverisë, kryetari i Kuvendit, Gramoz Ruçi dhe ai i Bashkisë së Vlorës, Dritan Leli, hapën aktivitetet në sheshin “Pavarësia”.
Në një prononcim për mediat, presidenti Meta tha se nderimi më i madh i kësaj dite është të vijojmë të angazhohemi për të shëruar plagët e gjithë atyre familjeve që janë dëmtuar nga tërmeti.
“Sot nuk është një ditë për të festuar, por është një ditë për të nderuar Flamurin Kombëtar. Nderimi më i mirë që mund t’i bëjmë këtij 28 Nëntori është të vijojmë të angazhohemi për të shëruar plagët e gjithë atyre familjeve që janë dëmtuar nga ky tërmet dhe të jemi sa më pranë familjeve që kanë humbur të afërmit, për të përballuar dhimbjen por edhe të shohim me besim te e ardhmja që mënyrë që të gjithë të fillojnë jetën normale”, tha Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
