Ministrja për Evropën dhe Punët e Jashtme, Olta Xhaçka ka zhvilluar sot një takim me homologun e saj malazez, Đorde Raduloviç, theksoi se marrëdhëniet ndërmjet dy vendeve janë faktor stabiliteti dhe model për rajonin.
Ministrja theksoi se së shpejti planifikohet mbledhja mes dy qeverive.
“Shqipëria e konsideron Malin e Zi një partner të rëndësishëm rajonal. Mbledhja e radhës e dy qeverive, parashikohet në një të ardhme të afërt”, bëri me dije ministrja.
Xhaçka tha gjithashtu se “vendet tona mbeten të angazhuar për ndërtimin e autostradës Adriatiko-Joniane”.
Kjo sipas saj, do të ketë impakt jo vetëm për dy vendet por edhe rajonin.
Xhaçka vuri në dukje dhe rëndësinë që kanë minoritetet në raportin e dy vendeve.
“Një rol të veçantë luajnë dhe minoritet, si element përbashkues. Shqipëria i ka dhënë minoritetit malazez vendin dhe vlerën që i takon”.
Ministrja tha se memorandumi i Bashkëpunimit mes Akademive diplomatike, konkretizon rritjen e bashkëpunimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
