Partia Demokratike reagoi pas djegies së dy makinave të kryetares së degës së Ulëzës, Gjelina Kalthi. PD e cilëson të qëllimshme djegien e dy automjeteve dhe akuzon për këtë bandat që sipas saj, kanë lidhje me qeverinë.
“I vetmi shkak i këtij sulmi banditesk është fakti se me këto dy makina, familja Kalthi ka ardhur në Tiranë për të marrë pjesë në protestë, duke shoqëruar edhe qindra qytetarë të tjerë protestues nga Ulza. Postblloqet policore në rrethin e Matit kanë identifikuar makinat si “transportuese” të protestuesve nga Mati në Tiranë dhe mbrëmë, në mes të natës, si hajdutë e banditë, kanë realizuar aktin kriminal. PD dënon ashpërsisht këtë akt qartësisht politik dhe banditesk. Ai është një akt që as do ta harrojmë, as do ta falim”, thuhet në një deklaratë të shpërndarë nga PD-ja.
Ngjarja ndodhi gjatë natës në Ulëz, para banesës së Gjelina Kalthit. Kjo e fundit është njëkohësisht edhe administratore e Njësisë Ulëz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
