Kandidati i PD për Elbasanin Luçiano Boçi i është përgjigjur kryeministrit Edi Rama, i cili e sulmoi sot nga Elbasani duke komentuar përplasjes me Gjergj Lucën. Rama mori në mbrojtje biznesmenin, ndërsa e akuzoi demokratin se pasi e grushtoi i mori edhe telefonin.
Në një reagim në rrjetet sociale, Boçi shprehet se kryeministri vazhdon lojën e “telefonit të prishur” me video të prishur, siç e quan ai.
Boçi ka mohuar sërish të ketë marrë telefonin e biznesmenit, ndërsa shton se Rama e di shumë mirë që Luca e ka vetë celularin.
Rama vazhdon të luajë lojën e “telefonit të prishur” me video të prishur! Telefonin tim e quan të Llucës. Të bënte vaki ta kisha unë atë tel dhe të mund të publikoja ç’mund të kishte ai brenda, nuk do bënim zgjedhje fare. Kushedi ku do përfundonte Rama!? Grushtet janë përgjigja simbolike ndaj agresionit, padrejtësive dhe arrogancës. Në 25 prill do marrësh një milion grushte!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
