Në mbledhjen e Konferencës së Kryetarëve ka pasur debate për pezullimin e 8 deputetëve për 10 ditë si masë disiplinore. Deputetët e opozitës, Agron Gjekmarkaj dhe Jorida Tabaku, e kanë kundërshtuar vendimin e Kuvendit.
"Është turp që keni përjashtuar opozitën nga seanca. Ky është vendim arbitrar dhe i turpshëm. Më kujtohet një slogan juaji "Shqipëria që duam", dështuat ta bënit këtë. Tani po bëni "opozita që duam". Akti ynë ishte simbolik", tha Gjekmarkaj.
Ndërsa Tabaku e cilësoi të turpshëm vendimin e Kuvendit.
"Përjashtimi i deputetëve të PD-së i turpshëm. Seanca u bllokua për një kërkesë legjitime që ju e refuzuat. Ju na keni kufizuar hapësirat. Vendimi erdhi pasi ju refuzuat të fusni në rend një kërkesë të grupit tonë. Nuk cenuam askënd fizikisht, ishte formë demokratike proteste."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
