Gazetari Mariglen Kume thotë se sondazhet tregojnë se kryetari i Partisë së Lirisë, Ilir Meta, del poshtë Jorida Tabakut, Ilir Alimehmetit, Dhurata Çupit dhe madje edhe Myslym Murrizit me vota.
Duke folur për MCN Live, ai deklaroi se me punën dhe angazhimin e deritanishëm apo dhe perceptimin, nuk beson se Partia e Lirisë do të arrijë në 20 mandate në qarkun e Tiranës.
Ndërsa sa i takon programeve politike, Kume vlerësoi kryedemokratin Sali Berisha.
Politikisht Berisha ka marrë pikë në këtë fushatë për programin. Se Kryeministri Rama e nisi jo me program ekonomik, e nisi dhe vazhdon me ilaritet, duke e cilësuar kundërshtarin e tij buf.
Ndërsa zoti Berisha prej më se një muaji prezanton programin për çdo sektor.
Dhe së fundmi kemi parë kreun e mazhorancës që bën premtime qoftë për pagat edhe për sektorë të tjerë.
Zakonisht programit ekonomik i shmangen partitë në pushtet, se po të flasësh për program ekonomik, do të flasësh dhe për llogaridhënie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
