Ministri i Brendshëm Taulant Balla i konsideroi si “të papranueshme” veprimet e Berishës, një ditë pasi kreu i PD-së së Rithemlimit u shfaq me mikrofon në dorë në dritaren e banesës së tij, duke përshëndetur militantët. Balla tha se Berisha duhet të trajtohet nga Policia njëlloj si çdo shtetas tjetër në këtë vend.
Kodi i procedurës penale, neni 237 pika 4, është shumë i qartë për mënyrën e zbatimit të arrestit në shtëpi. Gjatë arrestit në shtëpi ke të gjitha ndalimet që ke edhe gjatë arrestit me burg. Ky është kodi, nuk e kam shkruar unë, as zotëria, por e kam votuar edhe unë, edhe zotëria. Dhe këtu është ndarja e dy botëve, sa e respekton ligjin. Nuk kam pasur asnjë kontakt me policinë e shtetit, sa i përket detyrës që ka policia, që shtetasi në fjalë të trajtohet njëlloj si çdo shtetas tjetër në këtë vend. Policia e ka të përcaktuar nga urdhri i dy prokurorëve sesi ushtron kontrollin në zbatimin e këtij vendimi. Policia referon te prokurorët të gjitha konstatimet për zbatimin e vendimit të gjykatës dhe urdhrit që ka nxjerrë prokuroria. Është e papranueshme, por u takon institucioneve të tjera të bëjnë komente për këtë dhe jo ministrit të Brendshëm.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
