Në mbledhjen e sotme të Komisionerit Shtetëror të Zgjedhjeve (KQZ), u miratua projektvendimi për caktimin e partive politike që do të propozojnë anëtarët dhe sekretarët e Komisioneve të Zonave të Administrimit Zgjedhor (KZAZ-ve) për zgjedhjet parlamentare të datës 11 maj 2025.
Sipas vendimit, partitë politike që do të propozojnë anëtarët për KZAZ janë:
Partia Socialiste e Shqipërisë (PSSh), si partia kryesore e shumicës parlamentare, do të propozojë 2 (dy) anëtarë.
Partia Socialdemokrate (PSD), si partia e dytë kryesore e shumicës parlamentare, do të propozojë 1 (një) anëtar.
Partia Demokratike e Shqipërisë (PDSH), si partia kryesore e opozitës parlamentare, do të propozojë 2 (dy) anëtarë.
Partia e Lirisë (PL), si partia e dytë kryesore e opozitës parlamentare, do të propozojë 1 (një) anëtar.
Për caktimin e sekretarëve të KZAZ-ve, anëtari i 7-të në KZAZ me numër çift do të propozohet nga PS, ndërsa sekretari në KZAZ me numër çift do të propozohet nga PD dhe në ato me numër tek, sekretari do të propozohet nga PS.
Gjithashtu, në mbledhjen e KQZ-së, kryekomisioneri Ilirjan Celibashi njoftoi plotësimin e vakancave në Këshillin Bashkiak të Sarandës dhe Tiranës. Në Sarandë, vakanca është plotësuar me Thanas Gurman, ndërsa në Tiranë me Kejda Kacelin.
Në lidhje me procesin e votimit nga jashtë, u diskutuan edhe detajet teknike, ku është vendosur që kutia e mbledhjes së votave për shqiptarët jashtë vendit do të ketë një kapacitet më të madh në krahasim me kutitë e votimit të brendshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
