Sot në orën 17:00 pritet që të mbahet seancë parlamentare. Gazetari Andon Kello në një lidhje live me MCN Informacion tha se pritet një skenar surprizë në seancë nga opozita.
Ai u shpreh se në seancën e sotme, kryetarja e parlamentit Elisa Spiropali do të lexojë vendimin për ndërprerjen e mandatit të Ervin Salianjit, pas dënimit të tij nga Gjykata e Apelit për “moskallëzim krimi”.
Seanca zhvillohet pas të ashtuquajturës ‘Javë e gjelbër’. Deputetë demokratë sapo kanë përfunduar mbledhjen e grupit parlamentar dhe të gjithë janë duke u futur në ambientet e kuvendit, por asnjë nuk është prononcuar për skenarin që do mbahet në Kuvend nga ana e tyre, pritet të jetë i beftë sepse nuk dihet se çfarë vendimi kanë marrë. Pika kryesore e parlamentit është që Spiropali të njohë Kuvendin me vendimin për ndërprerjen e mandatit të deputetit Ervin Salianji. Kuvendi do bëjë njoftimin zyrtar për dënimin e Salianjit.
Ka ende shpresa se Salianji mund të fitojë betejën e tij ligjore në gjykatën e lartë, megjithatë opozita këtë çështje e trajton politikisht dhe duke marrë iniciativa politike. Pak ditë më parë u mësuar se PD ndërmori vendimin për protestë kombëtare madje për të bllokuar dhe të gjitha rrugët e kryeqytetit dhe për ti dhënë një mesazh të qartë qeverisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
