Konferenca e Kryetarëve e mbledhur ditën e sotme ka pranuar kërkesën e opozitës për zhvillimin e një mocioni me debat lidhur me çështjen e arrestimit të ish-zyrtarit të lartë të FBI, Charles McGonigal.
Duke folur për mediat në përfundim të mbledhjes së Konferencës së Kryetarëve, kreu i grupit parlamentar socialist, Taulant Balla, deklaroi se Konferenca ka miratuar zhvillimin e mocionit me debat, por jo kërkesën e opozitës për ngritjen e një komisioni hetimor.
Mocioni me debat do të zhvillohet. Mbetet të caktojmë sa i gjatë do të jetë debati, le të jetë një prej 12 orësh.
Këta vijnë votojnë e dhe harrojnë se me 23 janar votuam për të ngritur Komision të Posaçëm për ndryshimet për ligjin për komisionet hetimore parlamentare.
Kuvendi duhet të jetë i pari që i respekton. Por të guxojnë të firmosin kërkesa gjatë kohës që nuk janë në Shqipëri, mirë do të ishte që të tërhiqen nga firmat e falsifikuara. E kanë bërë me vrap se kush e depoziton i pari.
Nga ana e tij kreu i grupit parlamentar demokrat, Enkelejd Alibeaj deklaroi se mazhoranca shtyu kërkesën për ngritjen e komisionit hetimor lidhur me çështjen “McGonigal”.
Kërkesa për komision hetimor e ka të përcaktuar objektin, Rama-McGonigal. E shtynë kërkesën për ngritjen e komisionit hetimor dhe ky është asgjësim total i njërit prej instrumenteve më të rëndësishme të opozitës.
Janë bërë gardh të gjithë si e si ta fshehin Ramën, me shkelje flagrante të ligjit për komisionit hetimor.
Sipas tij, tre seanca parlamentare kanë dalë nga normaliteti dhe synimi i vetëm është fshehja e Edi Ramës.
Alibeaj deklaroi se heshtjen mund ta përdorësh vetëm kur je i akuzuar para prokurorisë por se kur je Kryeministër i një vendi ke detyrim të përgjigjesh për gjithçka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
