Kryetarja e Kuvendit, Lindita Nikolla nis vizitën e parë zyrtare në Kosovë

Kryetarja e Kuvendit Lindita Nikolla nis sot vizitën e saj të parë zyrtare jashtë vendit, pas marrjes së detyrës si drejtuese e Parlamentit.

Nikolla ka mbërritur sot për vizitë në Kosovë, ku do të ketë takime të nivelit të lartë, përfshirë homologun e saj Glauk Konjufca dhe kryeministrin Albin Kurti.

Zyra e kryeministrit të Kosovës, Albin Kurti, ka bërë të ditur se do të presë sot në takim Kryetaren e Kuvendit të Republikës së Shqipërisë, Lindita Nikollën.

Në njoftim bëhet e ditur se Kurti dhe Nikolla do të takohen në orën 11:30.

Pas takimeve Nikolla pritet që të ketë dhe një deklaratë të përbashkët për mediat me homologun e saj Konjufca.

Po ashtu kryeparlamentarja Nikolla do të takohet dhe me kryetarin e Komunës së Prishtinës, Shpend Ahmeti.