Deputeti i Lëvizjes Socialiste për Integrim, Endrit Braimllari, thotë se raporti i OSBE/ODIHR për zgjedhjet provoi qartë angazhimin e grupeve kriminale në procesin zgjedhor dhe kryepërgjegjës për këtë sipas tij, është Edi Rama.
Ai tha se reforma zgjedhore duhet të përqendrohet me urgjencë tek shit-blerja e votës dhe përfshirja në lista e njerëzve me veprimtari kriminale.
"Raporti e provon qartë që vota e lirë e shqiptarëve si themel i demokracisë ka pësuar goditjen e sa më të rëndë dhe opozita shqiptare ka sot përgjegjësinë më të madhe për të demaskuar çdo ditë dhe çdo orë, krimin elektoral të 25 qershorit dhe kryepërgjegjësi kryesor i këtij elektoral është Edi Rama.
Shumë vëzhgues të OSBE/ODIHR shprehën shqetësimin që individë me precedentë kriminalë kanë luajtur rol të rëndësishëm gjatë fushatës qoftë si kandidatë qoftë si mbështetës. Një numër i madh incidentesh të dhunshme kanë ndodhur gjatë fushatës. Është e qartë për çdo shqiptar që vota e tyre u shit dhe u ble masivisht nga paratë e drogës dhe krimit të organizuar. Policia dhe kriminelët u bënë njësh me krimin e organizuar.
Reforma zgjedhore që pritet të fillojë duhet t’i japë përgjigjen e parë shit-blerjes së votës dhe kriminelëve pjesëtarë të listave apo mbështetës", deklaroi Braimllari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
