Komisioneri për Zgjerimin në BE, Oliver Varhelyi, ka takuar sot kryenegociatorin e Shqipërisë, Zef Mazi.
Siç raporton Varhelyi në Twitterin e tij, gjatë takimit është diskutuar për hapat e ardhshëm të vendit në funksion të vendimit për hapjen e negociatave.
Theksi është vënë te progresi i reformave që janë kusht për integrimin e vendit.
“U takova me negociatorin e sapoemëruar të Shqipërisë për integrimin europian, Zef Mazi, këtë mëngjes për të diskutuar përgatitjet dhe hapat e ardhshëm në funksion të vendimit për hapjen e negociatave. Gjithashtu, theksuam rëndësinë e përparimit në reforma”, shkruan ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
