Kryetari i Partisë Demokratike, Lulzim Basha ka reaguar pas raportit të OSBE/ODIHR mbi zgjedhjet parlamentare të 25 Prillit.
Përmes një video, duke renditur disa nga pikat e raportit të OSBE/ODIHR, Basha shkruan se Partia Demokratike ka depozituar 185 padi në SPAK dhe prokuroritë e rretheve për krimet zgjedhore pasi sipas tij ato ishin një masakër zgjedhore dhe kjo u konfirmua dhe nga raporti i OSBE/ODIHR.
“25 prilli ishte një masakër zgjedhore! Këtë e dinë të gjithë shqiptarët, këtë e konfirmon edhe OSBE/ODIHR. Partia Demokratike ka depozituar 185 padi penale në SPAK dhe në prokuroritë e rretheve për krimet zgjedhore.
Ne presim drejtësi, sepse shqiptarët meritojnë zgjedhje të lira dhe të ndershme.
Pa u ndëshkuar autorët e kësaj masakre, pa u kthyer legjitimiteti në vend, nuk do të kemi një pushtet të njerëzve për njerëzit, por sundimin e një pakice të korruptuar që varfëron dhe shpopullon Shqipërinë”, shkruan Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
