Ish-deputeti i PS-së, sot themeluesi i LIBRA-s Ben Blushi reagon në lidhje me ngjarjen e ndodhur sot në Rinas, ku u grabitën 7 thasë me lekë.
Sipas Blushit vjedhjet e bankave janë kthyer në serial, duke deklaruar se ka prova, se thasët e Republikës po vidhen me ndihmën e shtetit.
“Kush i mbron bankat? Miku im Blendi Fevziu më kërkoi ta shtynim intervistën e parashikuar sot në darkë, për shkak të vjedhjes së makinave të bankës. Natyrisht e mirëkuptoj. Vjedhjet e bankave janë kthyer në serial.
Shteti shikon dhe bashkëpunon, grabitësit ikin dhe e shikojnë policinë në televizor. Ja pse s’ka vende pune, besim dhe investime të huaja. Se nuk ka kush i mbron! Një javë më parë thashë në Kuvend se Republika po bie. Sot kam edhe prova. Thasët e Republikës sonë po vidhen me ndihmën e shtetit!”, shkruan Blushi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
