Ish-Kryeministri Sali Berisha ka komentuar për herë të parë live çështjen Saimir Tahiri. I ftuar në emisionin “Studio e Hapur”, Berisha e nisi komentin e tij duke i dhënë të drejtë Kryeministrit Edi Rama sa i përket krahasimit se kërkesa për arrestimin e Tahirit është e njëjtë me atë të burgosjes së Fatos Nanos.
Dhe për këtë Berisha mori si shembull publikimin e dojses në emisionin “Top Story” në Top Channel. Për ish-Kryeministrin, ishte pikërisht Rama që i dha dosjen Top Channel që ta publikonte.
“Ka një ngjashmëri në kuptimin që dosjet e Fatos Nanos e përgatiti Partia Socialiste, e deklaroj këtu pa i shtuar qoftë edhe një presje nga qeveria ime. Dosjen e Saimir Tahirit e përgatiti me një kompetencë të jashtëzakonshme, institucioni më i specializuar në Europë, që është antimafia italiane. Por e bëri publike Edvin Kristaq Rama. Dosjen Habilaj kush e çoi në Top Channel. Unë ju garantoj që të parët që kanë qenë dosjen ka qenë Top Channel, që për hir të së vërtetës doli në krye të persekutimit të Saimir Tahirit. Pra Edi Rama ka pasur këtë të drejtë në këtë krahasim.” tha Berisha
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
