“Presioni ndërkombëtar dhe SPAK-u mund ta shkallmojnë sistemin”, Zekthi në “Bilardo”: S’do shpëtojë politikan pa u verifikuar

 

 

"Ne kemi dy parti të mëdha, po të njëjtit lider, atëherë këta kanë prodhuar trupa si një ajsberg, në biznes, në media, në bashkëpunim me krimin e organizuar, kudo, të pashkulshëm, dhe  kanë marrë në dorë sistemin politik shqiptar. SPAK-u ka një vështirësi gjigante me këta. Tashëgimia pe vjetër puniste në dy partitë e mëdha ka zaptuar qelizat e shoqërisë dhe ka akumuluar pasuri të madhe. Kur del një Prokurori që do ta verifikojë, kjo do reagojë dhe ka pushtet të madh për të reaguar.

Avantazhi dhe shpresa jonë është kjo, që faktor të jashtëm, jo politik, si presioni ndërkombëtar dhe SPAK, të mund ta shkallmojnë këtë sistem dhe mund t’ia dalin. Kur doli reforma në drejtësi si ide, isha kundër, sepse thoja është e pamundur që sistemi gjyqësor që është peshorja, të mund të rregullojë thesin që është Parlamenti, dhe qeverinë që është shpata. Por sistemi gjyqësor shqiptar dhe SPAK s’janë peshore kaq e dobët. Thesi dhe shpata e SHBA-së që përkrahin peshoren tonë, sistemin tonë të drejtësisë, mund të bëjnë të mundur që thesi dhe shpata e sistemit politik shqiptar dhe krimit të organizuar shqiptar të mund të shkallmohen. Aq sa e njoh unë sistemin politik amerikan, unë di këtë gjë që në Shqipëri s’do shpëtojë asnjë politikan i rëndësishëm pa u verifikuar nga SPAK”.