Zgjedhjet për primaret në Lezhë kanë pasur pjesëmarrje të lartë deri në mesditë, por u mbajtën pa praninë e kryetarit të degës së Partisë Demokratike të Rithemelimit, Arben Ndoj.
Ai ka dhënë dorëheqjen nga posti dy ditë para zgjedhjeve. Këtë e ka bërë të ditur kandidati Maks Kola.
Pavarësisht se ai është zëvendësuar nga Sekretari i Përgjithshëm, për kandidatin Kola, ish-kryetari duhej të ishte i pranishëm dhe të vërtetonte nëpërmjet formularëve që ai disponon se këta votues kanë të drejtë të shprehin me votë për zgjedhjen e kandidateve të primareve.
Pakënaqësi me procesin e votimit shprehën edhe kandidatët Pashk Gjoni dhe Ergin Mataj, sipas të cilëve ka pasur disa parregullsi në lista.
Në degën e Partisë Demokratike të Rithemelimit në Lezhë janë thirrur për të votuar për primaret rreth 2 mijë anëtare të kësaj force dhe fituesi i kësaj gare do të jetë kandidati i kësaj force politike për zgjedhjet vendore të 14 majit në Bashkinë Lezhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
