Kalemaj: Shqipëria s’ka projekte që të marrë fondet e akorduara nga BE-ja. Duam 70 vjet të arrijmë mirëqenien e qytetarëve europianë

<p>Politologu Ilir Kalemaj tha në studion e MCN Live se Shqipëria nuk ka projekte që të përthithë para nga fondi 6 miliardë euro i akorduar nga BE-ja për 6 vendet e Ballkanit Perëndimor.</p> <p>Sipas Kalamajt, Ramës i intereson që të prodhojë lajm ndërkombëtar me këto samite më shumë sesa çfarë përfiton Shqipëria.</p> <blockquote> <p>Problemi është sa do bien këtu nga 6 miliardshi i akorduar. Janë bërë disa samite dhe nga Procesi i Berlinit para se të ristartonte tani dhe nga e gjithë ajo Shqipëria s’kishte përfituar asgjë, ose ato që ka përfituar janë pjesë e një konjukture, p.sh “Korridori Blu” që ende nuk ka filluar pjesën e infrastrukturës në Shqipëri. Puna është se çfarë përfiton Shqipëria.</p> <p>Shqipëria 'përfiton' atë trenin Tiranë-Durrës që vajti 12 vjet, tani është në studim fizibiliteti.</p> <p>Problemi është që ne s’kemi projekte. Po të shohësh projektet që ka marrë Bosnja më shumë se 850 milionë euro. Kjo reflektohet në mirëqenie.</p> <p>Rama për hir të së vërtetës ka aftësinë nëpërmjet këtyre samiteve të prodhojë lajm ndërkombëtar. Ajo që i intereson Ramës është të bëjë xhiron e mediave botërore. Gjeti këtë rast me Zelensky-n që të vinte në Tiranë.</p> <p>Pak rëndësi ka se çfarë u arrit nga ky samit , a do të arrijë Shqipëria të prodhojë armë, të bëjë uzinën e Poliçanit të prodhojë. Kryebashkiaku i përjetshëm atje tha se deri dje nuk na ka lejuar Ministria e Mbrojtjes. Për mendimin tim ajo fabrikë ka për të qenë si fabrika e vaksinave që u premtua në 2021 që nuk u bë asnjëherë.</p> </blockquote> <p>Më tej, Kalemaj tha se e kemi e kemi çuar hendekun me BE-në për mirëqenien e qytetarëbe me 70 vjet.</p> <blockquote> <p>E vetmja që nuk përfiton Shqipëria, që nuk përfiton në fakt është që kemi çuar hendekun me BE për mirëqenien e qytetarëve me 70 vjet.</p> </blockquote>