Edith Harxhi sot ishte në Kukës në kuadër të fushatës për zgjedhjet brenda PD-së që do të zhvillohen në 13 qershor. Në krah të saj, ishin kryetari i këshillit kombëtar të PD-së, Bujar Nishani dhe Ibsen Elezi.
Harxhi e nisi fjalën me një ndjesë. Më pas kaloi te kritikat kundër Bashës që bojkotoi zgjedhjet lokale.
“Kërkim falje që nuk e shpëtuam PD-në sidomos në eliminimin nga gara të Ibsenit. 25 bashki do i kishim, por ne u larguam nga institucionet dhe kjo na ka dëmtuar shumë. Edi Rama thyhet me institucione, votë dhe frymëzim”.
Referuar situatës aktuale, rivalja e Bashës kishte një paralajmërim. “PD është në një gjendje që të mos mund ta marrë veten për një kohë të gjatë. Demokratët duan të shohin dritën e ndryshimit”.
Harxhi foli edhe për raportet me Lulzim Bashën. “Unë kam bashkëpunuar me Bashën, kam qenë bashkëpunëtorja e tij më e afërt, kryeja detyrat me marrëdhëniet me jashtë. I kam ofruar, i kam shtrirë dorën në 2018 për një statut të ri të PD-së”.
Në fund, Ibsen Elezi zbuloi ofertën e Topallit. “Kemi pasur oferta, zonja Topalli, i kam thënë ishalla ke suksese, por nuk përputhemi në pikëpamje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
