Kryetari i Parisë së Lirisë, Ilir Meta, akuzoi qeverinë se nuk ka marrë asnjë masë për të mbështetur biznesin.
Në një komunikim për mediat ditën e sotme, ai deklaroi se qeveria ka marrë vendime të njëanshme që favorizojnë vetëm oligarkët dhe që po rrezikojnë falimentimin e sipërmarrjeve.
Ai u zotua se Partia e Lirisë është zgjidhja për të anuluar vendimet arbitrare dhe përmes dialogut me biznesin do të shmangë falimentimin e tyre.
Sot dy javë Shqipëria do jetë në festë se ka çrrënjosur monizmin në pushtetin vendor si edhe bazën kryesore të monizmit në nivel kombëtar
. Kjo është shumë e rëndësishme për popullin e Shqipërisë. Jo vetëm për atë opozita por edhe për socialistët që janë viktimë e këtij korrupsioni.
Bashkimi është shumë optimist, një triumf i opozitës së bashkuar një shumicë e padiskutueshme.
Meta tha se kandidatët e opozitës kanë integritet të shkëlqyer dhe programe të jashtëzakonshme, dhe konkrete, për të dhënë zgjidhje për qytetarët.
Ai u ndal edhe tek ajo që e quajti “Ramaformë”, ku nga sot gjykatat e shkallës së parë do të mbyllen në Lushnje, në qytetin e Kongresit ku u themelua shteti shqiptar, në Pogradec, në Kavajë, në Kurbin, në Krujë, në Mat, në Tropojë, Përmet etj.
"Ramaforma” në drejtësi që është pikërisht zbatimi antikushtetues i Reformës në Drejtësi, në kundërshtim të plotë me të gjitha premtimet e bëra përpara 7 vitesh po shkatërron aksesin e qytetarëve për drejtësi, po shton zvarritjet, burokracitë pafund dhe po u rrit kostot në mënyrë të tillë që t’i lërë ata realisht pa drejtësi.
Kjo hartë gjyqësore është një antireformë e rrezikshme, sepse kjo hartë e re gjyqësore nuk merr parasysh një nga problematikat më delikate siç është largësia gjeografike që shumë qytetarë kanë nga gjykatat dhe njëkohësisht mundësitë e kufizuara të transportit dhe ato financiare individuale për të përballuar këtë transport të largët dhe absurd.
Kjo hartë e tillë arbitrare shkakton realisht asgjësimin e mundësisë reale për akses të lehtësuar në Drejtësi dhe realizimin e vërtet të barazisë para ligjit dhe të pandikuar nga asnjë faktor social dhe ekonomi që krijon pabarazi.
Ndaj në 14 Maj, qytetarët e Shqipërisë do të votojnë edhe kundër “Ramaformës”, e cila po ua bën drejtësinë edhe më të pamundur, edhe më të paarritshme, dhe më të shtrenjtë, në mënyrë që ti lërë pa drejtësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
