Një bllokim të çuditshëm e quan kryeministri Edi Rama, atë që po ndodh në pikat kufitare me Kosovën, që vendosi si kusht tamponin dhe taksë 22 € kamionëve për dezinfektimin.
Pasi vendosi të hapë kufijtë, kryeministri Edi Rama në një reagim në tëitter, ka edhe një përgjigje për të gjitha ata qytetarë, të cilët me këmbëngulje i kërkonin që të lehtësonte masat. Kreu i qeverisë, thotë se ka vende fqinj ose jo, qe ende nuk i kanë hapur kufijtë.
"Na hap kufijtë o Ramazon se gjithë bota i ka hap!"e kur thosha jo s'i ka hap gjithë bota, ne do jemi nga të parët fare, gënjeja unë! Po tani që ne i hapëm e shikoni që të tjerët jo? E pra, unë kam njëmijë të meta, po nuk gënjej dhe mirë a keq them atë që bëj dhe bëj atë që them!
Dhe mos keqkuptohemi, s'e kam me bllokimin e çuditshëm të makinave të Shqipërisë në kufirin e Kosovës për dizinfektim, po për plot kufij fqinj ose jo, që janë ende mbyllur! Prandaj durim, besim dhe kujdes nga nxitimi në ngrënien e rrenave se helmojnë gjakun e çorodisin mendjen!", shkruan Rama në twitter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
