Ministri i Brendshëm Bledi Çuçi duke folur në Kuvend për buxhetin e vitit 2023, u ndal me shifra se sa do të rriten pagat në radhët e policisë, duke shpjeguar të gjithë sektorët që do të përfitojnë.
Çuçi deklaroi se për Gardën e Republikës janë 1300 punonjës me rritje page 7%.
Ndërsa për Agjencinë e Mbikëqyrjes Policore, ku tha se ka rritje në 86% të agjencisë mesatare me 13% të pagave, për pjesën tjetër të mbetur një rritje 7%.
Më shërbimin e mbrojtjes nga zjarri e shpëtimi janë 1181 punonjës që do marrin nga ky buxhet një rritje page 7%.
Të gjithë këta janë punonjës në shërbim të drejtpërdrejt ndaj komunitetit, dhe në pjesën që quajmë administratë publike, për 2940 punonjës në gjithë sistemin e sigurisë do kemi rritje 7%.
Buxheti është realist dhe për kërcënimet e tjera për sigurinë, një nga këto është sulmi kibernetik që pësuan sistemet e sigurisë nga një armik i njohur nga të gjithë.
Në përgjigje të këtij sulmi për të forcuar sistemet, 7.6 herë e kemi rritur për forcimin e sigurisë të Policisë së Shtetit, krahasuar me 2022. 547 milionë lekë kemi parashikuar për sistemet e policisë, në buxhetin e policisë, dhe vetë AKSHI ka një paketë të posaçme për policinë.
Sipas tij, krahas investimeve nga partnerët për një mjedis të sigurt kibernetik, Çuçi deklaroi se buxheti është një mundësi shumë e mirë për të rritur mirëqenien e familjeve të punonjësve që punojnë në agjencitë ligjzbatuese dhe në Policinë e Shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
